28 اپریل ، 2024 
ٹی 20 ورلڈکپ کیلئے پاکستانی اسکواڈکے ممکنہ کھلاڑی کل اسلام آباد پہنچیں گے
28 اپریل ، 2024
ذرائع کے مطابق ٹی ٹوئنٹی ورلڈکپ میں شرکت کرنے والے پاکستانی اسکواڈ کے ممکنہ کھلاڑی کل امریکی ویزے کے حصول کے لیے اسلام آباد جائیں گے۔
ذرائع کے مطابق ممکنہ قومی کھلاڑی اور ٹیم مینجمنٹ کے آفیشلز کل امریکی سفارتخانے جائیں گے اور ویزے کیلئے اپلائی کریں گے، امریکی سفارتخانےکو پی سی بی نے 35 کھلاڑیوں اور آفیشلز پر مبنی لسٹ دی ہے۔
ذرائع کا یہ بھی کہنا ہے کہ کھلاڑی امریکی سفارتخانےمیں کرکٹ کو فروغ دینےکی سرگرمی میں بھی حصہ لیں گے۔
ذرائع کے مطابق ٹی ٹوئنٹی اسکواڈ کےممکنہ کھلاڑی برطانوی ویزے کیلئے کاکول کیمپ کے فوراً بعد اپلائی کر چکے ہیں، پاکستان ٹی ٹوئنٹی اسکواڈ دورہ آئرلینڈ اور انگلینڈ کے بعد امریکا روانہ ہوگا۔
واضح رہے کہ ٹی ٹوئنٹی ورلڈکپ یکم جون 2024 سے امریکا اور ویسٹ انڈیز میں شروع ہونے جا رہا ہے۔
پاکستان گروپ اے میں روایتی حریف بھارت کے ساتھ ہے اور دونوں ٹیمیں 9 جون کو نیو یارک کے ناساؤ کاؤنٹی انٹرنیشنل کرکٹ اسٹیڈیم میں ورلڈ کپ کے سب سے بڑے مقابلوں میں سے ایک میں ایک دوسرے سے مدمقابل ہوں گی۔
T20 ورلڈ کپ 2024 کے گروپس
گروپ اے: پاکستان، بھارت، آئرلینڈ، کینیڈا، یو ایس
گروپ بی: انگلینڈ، آسٹریلیا، نمیبیا، اسکاٹ لینڈ، عمان
گروپ سی: نیوزی لینڈ، ویسٹ انڈیز، افغانستان، یوگانڈا، پاپوا نیو گنی
گروپ ڈی: جنوبی افریقا، سری لنکا، بنگلادیش، نیدرلینڈز، نیپال
مزید خبریں :
ویڈیو: پیرو میں میچ کے دوران بجلی گرنے سے فٹبالر ہلاک ہوگیا
04 نومبر ، 2024
