04 مئی ، 2024 
پی ایس ایل 10کے پلے آف میچزکیلئے بیرون ملک نئے وینیوز کی تجویز
04 مئی ، 2024
پاکستان سپر لیگ (پی ایس ایل) ایڈیشن 10 کے پلے آف کے لیے بیرون ملک وینیوز کی تجویز سامنے آئی ہے۔
ذرائع کے مطابق پلے آف کے 4 میچز کے لیے انگلینڈ کے 3 وینیوز کی تجویز سامنے آئی ہے۔ ان وینیوز میں مانچسٹر ، برمنگھم اور اوول لندن شامل ہیں۔
ذرائع کا کہنا ہےکہ بیرون ملک پلے آف کرانے سے پی ایس ایل کو کئی معاملات میں فائدہ متوقع ہے۔
ذرائع کے مطابق پی ایس ایل کے براڈکاسٹرز میں انگلینڈ کا اہم براڈ کاسٹر شامل ہے، انگلینڈ کے براڈ کاسٹر کی وجہ سے پی ایس ایل کو فائدہ ہوگا۔ اس کے علاوہ 11 ویں ایڈیشن سے 8 ٹیموں کی شمولیت سے انگلینڈ کی مارکیٹ کا فائدہ حاصل ہوگا۔
ذرائع کا کہنا ہےکہ انگلینڈ کے نیوٹرل وینیو کا مقصد پاکستان اور بھارت کے شائقین کی توجہ حاصل کرنا ہے۔ پی ایس ایل کی جنرل کونسل اجلاس میں آسٹریلیا کے وینیو پر بھی بات ہو ئی ہے۔ پی ایس ایل کے پلے آف کے نیوٹرل وینیو پر مزید مشاورت کی جائےگی، اس پر پی ایس ایل کی ونڈو اور نیوٹرل وینیو پرگورننگ کونسل کے اجلاس میں بات ہوگی۔
پی ایس ایل گورننگ کونسل کا اجلاس مئی کے تیسرے ہفتے میں متوقع ہے۔
ذرائع نے بتایا ہے کہ پی ایس ایل کے لیے 7 اپریل سے 20 مئی کی ونڈو کی تجویز کی گئی ہے۔ پی ایس ایل 17 اپریل سے 20 مئی تک ہونے کی توقع ہے۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
