08 مئی ، 2024 
پاکستان
فوٹو: فائل
لاہور: گھریلو حالات سے دلبرداشتہ باپ نے کمسن بیٹے کو قتل کرکے خودکشی کرلی
08 مئی ، 2024
لاہور کےعلاقے نولکھا میں گھریلو حالات سے دلبرداشتہ باپ نے کمسن بچے کو قتل کرکے خودکشی کرلی۔
دونوں کی لاشیں ایک ہوٹل کے کمرے سے ملیں جنہیں ڈیڈ ہاؤس منتقل کردیا گیا ہے۔
پولیس کے مطابق دو روز قبل دانش نامی شخص نے بیٹے ایان کے ہمراہ نولکھا میں ہوٹل کا کمرہ بک کروایا تھا۔ جب وہ کافی دیر تک کمرے سے باہر نہ آئے تو ہوٹل انتظامیہ نے پولیس سے رابطہ کیا۔
پولیس کا کہنا ہے کہ جب کمرے میں داخل ہوئے تو بچہ مردہ حالت میں پڑا تھا کہ جبکہ باپ دانش کی لاش پنکھے سے جھول رہی تھی۔
پولیس نےفرانزک ٹیموں کے ہمراہ شواہد اکٹھے کر کے تحقیقات کا آغاز کردیا ہے۔
