14 مئی ، 2024 
کھیل
فوٹو: پاکستان ہائی کمیشن
لندن: قومی ویمن کرکٹ ٹیم کو پاکستان ہاؤس میں ہائی کمشنر کی جانب سے ظہرانہ
14 مئی ، 2024
برطانیہ میں پاکستان کے ہائی کمشنر ڈاکٹر محمد فیصل کی جانب سے لندن کے پاکستان ہاؤس قومی ویمن کرکٹ ٹیم کے اعزاز میں ظہرانہ دیا گیا۔
پاکستان ہاؤس میں منعقدہ ظہرانے میں ویمن کرکٹ ٹیم کی تمام 17 کھلاڑیوں سمیت سپورٹ اسٹاف نے شرکت کی۔
اس موقع پر قومی ٹیم کی کپتان ندا ڈار نے ہائی کمشنر ڈاکٹر محمد فیصل کو پاکستان ویمن کرکٹ ٹیم کی دستخط شدہ شرٹ کا تحفہ پیش کیا۔
ظہرانے کے موقع پر کھلاڑیوں سے بات چیت کے دوران پاکستانی ہائی کمشنر نے قومی ویمن ٹیم کی انگلینڈ کے خلاف سیریز کیلئے نیک خواہشات کا اظہار کیا۔
