14 مئی ، 2024 
وزیر اعلیٰ پنجاب کا قومی ہاکی ٹیم کیلئے 3 کروڑ روپے انعام کا اعلان
14 مئی ، 2024
وزیر اعلیٰ پنجاب مریم نواز نے اذلان شاہ ہاکی ٹورنامنٹ میں بہترین کارکردگی پر قومی ہاکی ٹیم کے لیے 3 کروڑ روپے انعام کا اعلان کردیا۔
اذلان شاہ ہاکی ٹورنامنٹ میں بہترین کارکردگی کا مظاہرہ کرنے والی قومی ہاکی ٹیم نے لاہور میں وزیر اعلیٰ مریم نواز سےملاقات کی۔
مریم نواز نےکہا کہ ہاکی صرف کھیل نہیں، قومی فخر ہے، موجودہ ٹیم نے ماضی کی یاد تازہ کردی، ہاکی کی بہتری کے لیے نہ صرف مکمل سپورٹ فراہم کریں گے بلکہ اونرشپ بھی دیں گے۔
مریم نواز نے کہا کہ کھلاڑیوں نے قومی کھیل میں دوبارہ جان ڈال دی ہے، امید ہے قومی ہاکی اپنا کھویا ہوا مقام حاصل کرے گی۔
وزیر اعلیٰ کا کہنا تھاکہ کھیلوں کے فروغ کی ذمہ داری صوبائی وزیرکھیل فیصل کھوکھر کو سونپی ہے۔
اس موقع پر ہاکی ٹیم کے کپتان عما د بٹ نے امید ظاہر کی کہ حکومتی تعاون سے قومی کھیل مزید بلندی حاصل کرےگا۔
مزید خبریں :
ہانگ کانگ سپر سکسز، پاکستان نے سیمی فائنل کیلئے کوالیفائی کرلیا
02 نومبر ، 2024
