18 مئی ، 2024 
پاکستان
فوٹو: اسلام آباد پولیس/ایکس/ فائل
اسلام آباد: آئی جی آزاد کشمیر اور ڈی آئی جی آپریشنز اسلام آباد تبدیل
18 مئی ، 2024
انسپیکٹر جنرل (آئی جی) پولیس آزاد کشمیر سہیل حبیب تاجک اور اسلام آباد پولیس کے ڈپٹی انسپیکٹر جنرل (ڈی آئی جی) آپریشنز شہزاد ندیم بخاری کا تبادلہ کردیا گیا ہے۔
پولیس سروس گریڈ 19 کے افسر ڈی آئی جی آپریشنز اسلام آباد پولیس شہزاد ندیم بخاری کا تبادلہ کرکے ان کی خدمات ایف آئی کے سپرد کی گئیں ہیں۔
اس کے علاوہ آئی جی آزاد کشمیر پولیس سہیل حبیب تاجک کو بھی اپنے عہدے سے ہٹادیا گیا ہے۔
تبادلے کے بعد سہیل حبیب تاجک کو اسٹیبلشمنٹ ڈویژن رپورٹ کرنے کی ہدایت کی کی گئی ہے۔
سہیل حبیب تاجک کی جگہ پر ایف آئی اے میں خدمات سرانجام دینے والے گریڈ 20 کے افسر عبدالجبار کو آئی جی آزاد کشمیر پولیس تعینات کیا گیا ہے۔
