21 مئی ، 2024 
بجلی تقسیم کار اداروں کیلئے آزاد ڈائریکٹرز کی نامزدگی کی تجویز کابینہ میں پیش کرنے کی منظوری
21 مئی ، 2024
وفاقی وزیر خزانہ محمد اورنگزیب کی صدارت میں اجلاس میں بجلی تقسیم کار اداروں کیلئے آزاد ڈائریکٹر نامزد کرنے کی تجویز کابینہ میں پیش کرنے کی منظوری دے دی گئی۔
اجلاس میں وزیر ہاؤسنگ اینڈ ورکس، وزیر بجلی، وزیر بحری امور، وزیر اقتصادی امور، چیئرمین ایس ای سی پی اور وفاقی سیکرٹری شریک ہوئے۔
اجلاس میں 4 ریلوے کمپنیوں کی اسٹریٹجک درجہ بندی کی تجویز پر بھی غور کیا گیا تاہم یہ تجویز منظور نہیں کی گئی۔
کمیٹی نے وزارت سائنس و ٹیکنالوجی میں اصلاحات کی تجاویز بھی مؤخر کر دی جبکہ کمیٹی نے پاکستان ٹیلی ویژن کارپوریشن اور پاکستان براڈکاسٹنگ کارپوریشن کی اسٹریٹجک نوعیت کو تسلیم کیا.
کمیٹی نے وزارت اطلاعات کو ہدایت کی کہ ان اداروں کے مؤثر انتظام کیلئے ایک قابل عمل کاروباری منصوبہ پیش کیا جائے۔
