21 مئی ، 2024 
وزارت خزانہ نے 1 سال میں اربوں کے اخراجات کم کرنے کا منصوبہ آئی ایم ایف کو پیش کر دیا
21 مئی ، 2024
وزارت خزانہ نے ایک سال میں 300 ارب روپے سے زائد کے اخراجات کم کرنے کا منصوبہ آئی ایم ایف کو پیش کر دیا جس کے مطابق نئی گاڑیاں خریدنے پر مکمل پابندی رہے گی،
وزارت خزانہ کی جانب سے پیش کیے گئے منصوبے کے مطابق ایک سال سے خالی گریڈ 1 سے 16 کی تمام پوسٹوں کو ختم کر دیا جائے گا اور وفاقی حکومت صوبوں کے ترقیاتی منصوبوں میں فنڈنگ نہیں کرے گی۔
جیو نیوز کو ملنے والی معلومات کے مطابق وفاقی حکومت صرف اہم اور قومی نوعیت کے ترقیاتی منصوبوں کیلئے وسائل فراہم کرے گی، انفرااسٹرکچر کے منصوبے پبلک پرائیویٹ پارٹنرشپ کے تحت کیے جائیں گے۔
وفاقی حکومت کوئی نئی یونیورسٹی قائم نہیں کرے گی اور صوبائی حکومتیں اپنے ماتحت آنے والی جامعات کی خود فنڈنگ کریں گی۔
آئندہ مالی سال سے دفاع اور پولیس کے علاوہ نئی بھرتیوں کیلئے رضاکارانہ پنشن اسکیم شروع کرنے پر غور کیا جائے گا۔
آئندہ مالی سال سے اراکین اسمبلی کی ترقیاتی اسکیموں پر مکمل پابندی کا امکان ہے۔
مزید خبریں :
پاور سیکٹر کو مزید 50 ارب روپے سے زائد کی سبسڈی دینے کا فیصلہ
22 دسمبر ، 2024
دو روز کی کمی کے بعد فی تولہ سونا یکدم سیکڑوں روپے مہنگا ہوگیا
21 دسمبر ، 2024
پاکستان میں سونے کی درآمدات تاریخ کی بلند ترین سطح پر پہنچ گئیں
20 دسمبر ، 2024
ملک میں سونا مزید سستا ہوگیا
20 دسمبر ، 2024
انٹربینک میں ڈالر پھر مہنگا ہوگیا
20 دسمبر ، 2024
