21 مئی ، 2024 
اسلام آباد: نامعلوم افرادکے حملے میں ترجمان پی ٹی آئی رؤف حسن زخمی ہوگئے
21 مئی ، 2024
اسلام آباد میں نامعلوم افراد کے حملے میں پاکستان تحریک انصاف (پی ٹی آئی) کے ترجمان رؤف حسن زخمی ہوگئے۔
رؤف حسن جی سیون مرکز میں نجی ٹی وی چینل کے دفتر سے نکلے تو باہر نامعلوم افراد نے ان پر حملہ کردیا۔
عینی شاہدین کے مطابق حملہ آور 4 تھے جنہوں نے کسی چیز سے رؤف حسن پر وار کیے اور ان سے چھینا جھپٹی کی کوشش بھی کی اور لوگوں کے جمع ہونے پر فرار ہوگئے۔
حملے میں ترجمان پی ٹی آئی کے چہرے پر زخم آئے ہیں۔
ترجمان اسلام آباد پولیس کے مطابق رؤف حسن کو نجی ٹی وی کے دفتر کے باہر بلیڈ مارا گیا ہے۔
ترجمان کے مطابق عینی شاہدین کا کہنا ہے کہ رؤف حسن کو خواجہ سراؤں نے چہرے پر بلیڈ مارا۔ پولیس موقع پر موجود ہے اور شواہد جمع کیے جارہے ہیں۔
ترجمان کا کہنا ہے کہ جن خواجہ سراؤں نے یہ کام کیا ہے ان کے خلاف سخت کارروائی کی جائےگی۔
مزید خبریں :
دھند کے باعث اسلام آباد سے لاہور تک موٹروے بند
59 منٹ پہلے
جسٹس ریٹائرڈ اعجاز الحسن انتقال کرگئے
6 گھنٹے پہلے
کراچی میں خلع کیسز دائر کرنے کی تعداد دگنا ہوگئی
11 گھنٹے پہلے
