25 مئی ، 2024 
جوں جوں ورلڈکپ قریب آرہا ہے ہمارا کامبی نیشن سیٹ ہو رہا ہے: عماد وسیم
25 مئی ، 2024
پاکستان کرکٹ ٹیم کے آل راؤنڈر عماد وسیم کا کہنا ہےکہ آئرلینڈ کی سیریز میں ہم مختلف چیزیں ٹرائی کر رہے تھے، جوں جوں ورلڈکپ قریب آرہا ہے ہمارا کامبی نیشن سیٹ ہو رہا ہے۔
برمنگھم میں پریس کانفرنس کرتے ہوئے عماد وسیم کا کہنا تھا کہ کبھی کبھار پلان سے ہٹ کر بولرز کو استعمال کیا جاتا ہے، شروع میں بولنگ ملے یا بعد میں فرق نہیں پڑتا، کبھی کبھار پلان سے ہٹ کر بولرز کو استعمال کیا جاتا ہے۔
عماد وسیم کا کہنا تھا کہ کنڈیشن ساتھ دے گی تو نیا بال بھی کرسکتا ہوں، کوشش ہوتی ہے کہ جہاں بولنگ ملے وہاں ٹیم کے لیے اچھا کروں، شاہین اور عامر کا بھی نئے گیند سے ریکارڈ اچھا ہے، جس مزاج سے کھیلنا چاہیے وہ پوری طرح نظر نہیں آرہا، اگر شروع ہی سے حریف پر دباؤ ڈالیں تو آسان ہوتا ہے، میں اور افتخار غلط وقت پر آؤٹ ہوئے، اگر آؤٹ نہ ہوتے تو ہدف پورا کرلیتے۔
ان کا کہنا تھا کہ اگلی بار کوشش ہوگی کہ جا کر بلے بلے کریں، مڈل اوورز میں ہمیں حاوی ہونا چاہیے تھا، حاوی ہونے کا مقصد مارنا نہیں، لیکن حریف بولر کو سیٹل نہ ہونے دینا ہے، کوشش کریں گے کہ صرف بات نہ کریں، اچھا کرکے بھی دکھائیں۔
