26 مئی ، 2024 
کراچی: خواتین سے لوٹ مار کرنیوالے میاں بیوی گرفتار، چھینے گئے درجنوں پرس برآمد
26 مئی ، 2024
کراچی کے علاقے لانڈھی میں پو لیس نے کارروائی کرتے ہوئے خواتین سےلوٹ مار کے الزام میں میاں بیوی کو گرفتار کرلیا۔
پولیس کے مطابق گرفتار میاں بیوی سے چھینے گئے 76پرس اور پستول بھی برآمد کی گئی۔
پولیس حکام کا کہنا ہے کہ گرفتار ملزمہ پلوشہ اور ملزم شہریار سے 4 موبائل فون اور اے ٹی ایم کارڈز بھی برآمد کیے گئے ہیں۔
پولیس کا بتانا ہے کہ گرفتار میاں بیوی کی لانڈھی میں ایک راہگیر خاتون سے لوٹ مار کی ویڈیو وائرل ہوئی تھی۔
ملزم شہریار نے لانڈھی تھانے میں جیو نیوز سے گفتگو کرتے ہوئے دعویٰ کیا کہ اس نے روز گار چھن جانے کے بعد وارداتیں شروع کی تھیں۔
ملزم نے بتایا کہ اس کے ساتھ وارداتوں میں اس کی بیوی نہیں بلکہ صائمہ نامی لڑکی ملوث تھی، اس کام کا انجام برا تھا اس لیے آج وہ سلاخوں کے پیچھے ہے۔
تاہم پولیس گرفتار میاں بیوی سے مزید تفتیش کررہی ہے۔
مزید خبریں :
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
