30 مئی ، 2024
لندن کے میئر صادق خان نے پاکستان اور انگلینڈ کے درمیان جاری ٹی ٹوئنٹی سیریز کے حوالے سے اپنے خیالات کا اظہار کرتے ہوئے کہا ہے کہ آج اچھا مقابلہ ہوگا، پاکستان ٹیم جیتے یا انگلینڈ دونوں صورتوں میں یہ ہماری فتح ہے۔
پاکستانی ہائی کمشنر ڈاکٹر محمد فیصل کی جانب سے پاکستان کرکٹ ٹیم کے اعزاز میں دیے گئے عشائیے میں شرکت کے موقع پر میئر لندن صادق خان کا کہنا تھا کہ بابراعظم میرا فیورٹ پلیئر ہے، وہ رول ماڈل ہے۔
انہوں نے کہا کہ پاکستان ٹیم کی بولنگ دیکھ کر مجھے وقار یونس اور وسیم اکرم یاد آجاتے ہیں۔
پاکستانی ہائی کمشنر کے عشائیے میں وفاقی وزیرداخلہ اور چیئرمین پی سی بی محسن نقوی اور سابق وزیراعظم انوارالحق کاکٹر سمیت اہم شخصیات اور کمیونٹی کے افراد بھی شریک ہوئے۔