30 مئی ، 2024 
کراچی: گرومندر پر دو بھائیوں کا چلتی گاڑی میں قتل، ویڈیو سامنے آگئی
30 مئی ، 2024
کراچی میں گرومندر کے قریب گاڑی پر فائرنگ میں 2 بھائیوں کی ہلاکت کے واقعے کی ویڈیو سامنے آ گئی۔
کراچی کے علاقے گرومندر میں گاڑی پر فائرنگ سے 2 بھائی جاں بحق اور دو زخمی ہوئے جبکہ ایک محفوظ رہا۔
فائرنگ کے واقعے کی سی سی ٹی وی فوٹیج بھی سامنے آ گئی ہے جس میں دیکھا جا سکتا ہے کہ تین موٹر سائیکلوں پر سوار 6 افراد نے گاڑی پر آگے اور دونوں اطراف سے فائرنگ کی۔
سی سی ٹی وی فوٹیج میں دیکھا جا سکتا ہے کہ تمام ملزمان نے شلوار قمیض پہن رکھی تھی اور ایک ملزم کو موٹر سائیکل سے اتر کر ڈرائیور سیٹ کے قریب سے فائرنگ کرتے بھی دیکھا جا سکتا ہے۔
فائرنگ کے واقعے کے وقت روڈ پر گاڑیاں بھی رواں دواں تھیں اور واردات کے بعد ملزمان آباسانی فرار ہو گئے۔
اس حوالے سے پولیس نے ابتدائی تحقیقات میں بتایا کہ متاثرہ بھائی پیشی پر عدالت جا رہے تھے کہ انہیں راستے میں ٹارگٹ کیا گیا۔
مزید خبریں :
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
