02 جون ، 2024 
ڈونلڈ ٹرمپ نے ٹک ٹاک اکاؤنٹ بنالیا
02 جون ، 2024
ری پبلکن پارٹی کے صدارتی امیدوار ڈونلڈ ٹرمپ نے ٹک ٹاک اکاؤنٹ بنالیا ہے۔
یہ وہ ویڈیو شیئرنگ ایپ ہے جس پر ڈونلڈ ٹرمپ نے اپنے عہد صدارت کے دوران پابندی لگانے کی کوشش کی تھی۔
مگر اب امریکی صدارتی انتخابات سے چند ماہ قبل ڈونلڈ ٹرمپ نے ٹک ٹاک کا رخ کیا ہے تاکہ اسے استعمال کرنے والے صارفین کی حمایت حاصل کر سکیں۔
ڈونلڈ ٹرمپ نے یکم جون کو ٹک ٹاک پر ایک ویڈیو پوسٹ کی۔
اس ویڈیو میں ڈونلڈ ٹرمپ نیو جرسی میں ہونے والی الٹی میٹ فائٹنگ چیمپئن شپ کی ایک فائٹ میں موجود ہیں۔
ڈونلد ٹرمپ کے اس اکاؤنٹ کو لاکھوں افراد نے فالو کرنا بھی شروع کر دیا ہے۔
خیال رہے کہ ڈونلڈ ٹرمپ نے ٹک ٹاک اکاؤنٹ اس وقت بنایا ہے جب صدر جو بائیڈن کی حکومت کی جانب سے اس پر پابندی لگانی کی کوشش کی جا رہی ہے۔
اس حوالے سے اپریل 2024 میں قانون کا نفاذ کیا گیا جس کے تحت چینی کمپنی بائیٹ ڈانس کو ٹک ٹاک کی امریکی شاخ جنوری 2025 تک فروخت کرنی ہوگی، ورنہ اس پر پابندی عائد کر دی جائے گی۔
ٹک ٹاک کی جانب سے اس قانون کو عدالت میں چیلنج کیا گیا ہے اور اس حوالے سے سماعت ستمبر 2024 میں متوقع ہے۔
ڈونلڈ ٹرمپ نے بھی بطور صدر 2020 میں ٹک ٹاک پر پابندی لگانے کی کوشش کی تھی مگر عدالتوں نے انہیں روک دیا تھا۔
دلچسپ بات یہ ہے کہ اب ڈونلڈ ٹرمپ کا کہنا ہے کہ اگرچہ ٹک ٹاک قومی سلامتی کے لیے خطرہ ہے مگر اس پر پابندی سے نوجوان متاثر ہو سکتے ہیں اور میٹا کے پلیٹ فارم فیس بک کو ہی فائدہ ہو سکتا ہے۔
ڈونلڈ ٹرمپ فیس بک اور میٹا کی دیگر ایپس کو پسند نہیں کرتے اور ان پر اکثر تنقید کرتے رہتے ہیں۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
غزہ پر اسرائیلی بمباری سے مزید 38 فلسطینی شہید
23 نومبر ، 2024
