03 جون ، 2024 
کھیل
فوٹو: ایشین والی بال چیلنج کپ
ایشین والی بال چیلنج کپ: پاکستان نے تھائی لینڈ کو شکست دیکر کوارٹر فائنل میں جگہ بنالی
03 جون ، 2024
ایشین والی بال چیلنج کپ میں پاکستان نے تھائی لینڈ کو شکست دے کر کوارٹر فائنل میں جگہ بنالی۔
بحرین میں جاری ایشین والی بال چیلنج کپ میں پاکستان نے گروپ کے دوسرے میچ میں تھائی لینڈ کو ہرا دیا اور مسلسل دوسری فتح حاصل کرلی۔
تھائی لینڈ کے خلاف پاکستان کی جیت کا اسکور 22-25، 14-25 اور 21-25 رہا۔
گروپ میں دونوں میچز جیت کر پاکستان ایشین والی بال چیلنج کپ کے کوارٹر فائنل میں پہنچ گیا۔
پاکستان نے دونوں میچز جیت کر پول بی میں پہلی پوزیشن حاصل کی۔ کوارٹر فائنل میں پاکستان ٹیم پول ڈی کی دوسرے نمبر کی ٹیم سے کھیلے گی۔
