03 جون ، 2024 
پاکستان
پولیس کانسٹیبل عامرکاکڑ کو تشویشناک حالت میں اسپتال منتقل کردیا گیا، حادثے سے متعلق ضابطے کی کارروائی شروع کردی گئی ہے: پولیس— فوٹو: اسلام آباد پولیس
اسلام آباد: غیرملکی ہائی کمیشن کی اہلکار نے سگنل توڑتے ہوئے پولیس اہلکار پرگاڑی چڑھا دی
03 جون ، 2024
وفاقی دارالحکومت اسلام آباد میں غیرملکی ہائی کمیشن کی اہلکار نے پولیس کانسٹیبل پرگاڑی چڑھا دی۔
پولیس ذرائع کے مطابق حادثہ شاہراہ دستور پر سگنل توڑنے پر پیش آیا اور کانسٹیبل عامر کاکڑ زخمی ہوگیا۔
پولیس ذرائع نے بتایاکہ پولیس کانسٹیبل عامرکاکڑ کو تشویشناک حالت میں اسپتال منتقل کردیا گیا۔
پولیس ذرائع کا کہنا ہے کہ حادثے میں پولیس اہلکار کی موٹر سائیکل تباہ ہوگئی۔ دوسری جانب پولیس کے مطابق زخمی اہلکار کواسپتال منتقل کردیاگیاجہاں اس کاعلاج جاری ہے اور انسپکٹر جنرل (آئی جی) اسلام آباد نے زخمی افسر کے بہترین علاج کے احکامات جاری کردیے۔
پولیس حکام نے بتایاکہ حادثے سے متعلق ضابطے کی کارروائی شروع کردی گئی ہے۔
