05 جون ، 2024 
کھیل
پاکستان کرکٹ ٹیم ورلڈ کپ میں اپنا پہلا میچ امریکا کے خلاف 6 جون کو کھیلے گی— فوٹو: فائل
ٹی ٹوئنٹی ورلڈکپ: آل راؤنڈر عماد وسیم امریکا کیخلاف میچ سے آؤٹ ہوگئے
05 جون ، 2024
ٹی ٹوئنٹی ورلڈ کپ کے سلسلے میں امریکا میں موجود پاکستان کی قومی کرکٹ ٹیم کے اہم آل راؤنڈر عماد وسیم ورلڈ کپ کے پہلے میچ سے آؤٹ ہوگئے۔
ورلڈ کپ میں پاکستان کے پہلے میچ میں عماد وسیم کی عدم دستیابی کی تصدیق کرتے ہوئے کپتان بابر اعظم کا کہنا تھا کہ عماد وسیم سائیڈ اسٹرین کا شکار ہیں جس کی وجہ سے وہ ٹیم کیلئے پہلا میچ نہیں کھیل پائیں گے۔
کپتان بابر اعظم کا کہنا تھا کہ عماد وسیم پہلا میچ نہیں کھیلیں گے مگر پرامید ہیں کہ وہ بقیہ میچز کیلئے ٹیم کو دستیاب ہوں گے۔
پاکستان کرکٹ ٹیم ورلڈ کپ میں پہلا میچ امریکا کے خلاف 6 جون کو کھیلے گی، جبکہ امریکی ٹیم ٹی ٹوئنٹی ورلڈ کپ کے پہلے میچ میں کینیڈا کی ٹیم کو شکست دیکر اپنی کامیابی کا کھاتا کھول چکی ہے۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
