08 جون ، 2024 
کھیل
فوٹو: فائل
پاکستان کو بھارت کیخلاف میچ سے قبل نساؤ کاؤنٹی اسٹیڈیم میں پریکٹس نہیں ملے گی
08 جون ، 2024
پاکستان ٹیم کو بھارت کیخلاف میچ سے قبل نساؤ کاؤنٹی اسٹیڈیم میں پریکٹس نہیں مل سکے گی۔
پاکستان کرکٹ ٹیم بھارت کے خلاف میچ سے قبل واحد پریکٹس سیشن کانٹیاگ پارک میں کرے گی۔
گرین شرٹس کا پریکٹس سیشن مقامی وقت کے مطابق کل دوپہر ساڑھے 12 سے دن ساڑھے 3 بجے تک کا ہے۔
پاکستانی وقت کے مطابق پریکٹس سیشن آج رات ساڑھے 9 بجے شروع ہوگا۔
واضح رہے کہ پاکستان کرکٹ ٹیم جمعرات کی شب ڈیلس سے نیویارک پہنچی تھی جس کے بعد ٹیم نے جمعے کو آرام کیا تھا۔
پاکستان اور بھارت کے درمیان ٹی ٹوئنٹی ورلڈ کپ میچ 9 جون کو نیویارک میں ہوگا جس کے بعد نیویارک میں ہی پاکستان ٹیم 11 جون کو کینیڈا سے مقابلہ کرے گی۔
