08 جون ، 2024 
پاکستان
ٹیچنگ اسپتال کے بچہ وارڈ میں آگ شارٹ سرکٹ کے باعث لگی، ریسکیو آپریشن کے دوران ایک سکیورٹی گارڈ زخمی بھی ہوا۔ اسکرین گریب
ساہیوال ٹیچنگ اسپتال کے بچہ وارڈ میں آتشزدگی، سامان جل کر راکھ، درجنوں بچے ایمرجنسی منتقل
08 جون ، 2024
ساہیوال کے ٹیچنگ اسپتال کے بچہ وارڈ میں آتشزدگی سے سامان جل کر راکھ ہو گیا جبکہ ایک سکیورٹی گارڈ زخمی بھی ہوا۔
ریسکیو1122 کے مطابق ٹیچنگ اسپتال کے بچہ وارڈ میں آگ شارٹ سرکٹ کے باعث لگی جس پر قابو پا لیا گیا، ریسکیو کی 5گاڑیوں نے آگ بجھانے میں حصہ لیا۔
اسپتال ذرائع کے مطابق آتشزدگی کے باعث 60 سے 70 بچوں کو چلڈرن وارڈ سے ایمرجنسی منتقل کر دیا گیا ہے۔
اسپتال ذرائع کا بتانا ہے کہ ریسکیو آپریشن کے دوران ایک سکیورٹی گارڈ زخمی بھی ہوا جبکہ آگ کے باعث بچہ وارڈ اور اس کا سامان جل گیا۔
