پاکستان اسٹاک ایکسچینج کے 100 انڈیکس میں مزید کمی

کراچی: پاکستان اسٹاک ایکسچینج میں آج کاروبار کا منفی دن رہا جہاں 100 انڈیکس میں 663 پوائنٹس کی کمی دیکھی گئی۔

آج کاروباری دن کے اختتام پر 100 انڈیکس 72 ہزار 589 پوائنٹس پر بند ہوا جبکہ کاروباری دن میں 100انڈیکس ایک ہزار 390 پوائنٹس کے بینڈ میں رہا۔

آج بازار میں سوا 37 کروڑ شیئرز کے سودے 11.65 ارب روپے میں طے ہوئے جبکہ مارکیٹ کیپٹلائزیشن 99 ارب روپے کم ہوکر 9ہزار754 ارب روپے ہے۔

دوسری جانب کے ایم آئی 30 انڈیکس ایک ہزار 606 پوائنٹس کی کمی کے بعد ایک لاکھ 19 ہزار 399 پوائنٹس پر بند ہوا۔