12 جون ، 2024 
مصری دلہا کی دلہن کو شادی ہال میں گھسیٹنے اور تشددکرنیکی ویڈیو وائرل
12 جون ، 2024
عام طور پر شادی کے روز دلہا دلہن سے محبت کے اظہار کیلئے اسے قیمتی تحائف پیش کرتا ہے تاہم مصری شخص کے شادی ہال میں ہی خاندان کے سامنے دلہن سے ناروا سلوک نے سب کو حیران کر دیا۔
العربیہ اردو کی ایک رپورٹ کے مطابق سوشل میڈیا پر سامنے آنے والی مصر کی ویڈیو میں دلہا کو مہمانوں کی موجودگی میں شادی ہال میں دلہن پر تشدد کرتے اور اسے مسلسل گھسیٹتے دیکھا گیا۔
وائرل ویڈیو میں دلہا دلہن کو اسٹیج پر مسلسل گھسیٹتے دیکھا جاسکتا ہے جس دوران توازن نہ سنبھالتے ہوئے دلہن زمین پر گھٹنوں کے بل گر پڑتی ہے، دلہن کے گرنے کے باوجود دلہا اپنی دلہن کو گھسیٹنے کی کوشش کرتا ہے۔
یہ منظر دیکھ کر ہال میں موجود خواتین دلہن کو سنبھالنے کیلئے اس کی جانب بڑھتی ہیں جبکہ دوسری جانب دلہا شدید غصے کی حالت میں اسٹیج پر لگی کرسیوں پر جاکر بیٹھ جاتا ہے لیکن دلہا کے بیٹھتے ہی ایک شخص بھاگتا ہوا اسٹیج پر آکر دلہا پر حملہ کر دیتا ہے جس کے بعد وہاں کھڑے لوگ دونوں کو علیحدہ کرتے ہوئے حملہ کرنے والے شخص کو اسٹیج سے نیچے لے جاتے ہیں۔
بعدازاں دلہا طیش میں آکر اسٹیج سے اتر کر حملہ کرنے والے شخص پر لپکنے کی کوشش کرتا ہے۔
دلہاکے دلہن سے ناروا سلوک کی وجہ تاحال معلوم نہ ہو سکی ہے تاہم ویڈیو سوشل میڈیا پر وائرل ہو نے پر صارفین کی جانب سے دلہے کے رویے پر شدید غم و غصے کا اظہار کیا جا رہا ہے۔
مزید خبریں :
دمشق ائیرپورٹ کا فضائی آپریشن بحال ہوگیا
2 گھنٹے پہلے
سعودی عرب نے کابل میں دوبارہ اپنے سفارتی مشن کا آغاز کردیا
23 دسمبر ، 2024
