12 جون ، 2024 
بجٹ میں سرکاری ملازمین کی تنخواہوں میں 15 سے 20 فیصد کا اضافہ تجویز
12 جون ، 2024
وزارت خزانہ کے ذرائع کے مطابق بجٹ میں سرکاری ملازمین کی تنخواہوں میں 15 سے 20 فیصد اضافے کی تجویز دی گئی ہے۔
ذرائع کے مطابق گریڈ 1 سے 16 تک کے سرکاری ملازمین کی تنخواہیں 20 فیصد جبکہ گریڈ 17 سے 22 تک کے افسران کی تنخواہیں 15 فیصد بڑھانے کی تجویز دی گئی ہے۔
ذرائع کے مطابق گریڈ 1 تا 16 کے ریٹائرڈ سرکاری ملازمین کی پنشن میں 20 فیصد اضافہ تجویز کیا گیا ہے جبکہ گریڈ 17 سے 22 تک کے ریٹائرڈ ملازمین کی پنشن میں 15 فیصد اضافہ تجویز کیا گیا ہے۔
ذرائع کا بتانا ہے کہ تنخواہیں اورپنشن بڑھانے کی حتمی منظوری وفاقی کابینہ کے اجلاس میں دی جائے گی۔
ذرائع کے مطابق سرکاری ملازمین کی ریٹائرمنٹ کی عمر 62 برس کرنے کی بھی تجویز تیارکی جاچکی ہے جس کا اطلاق صوبائی حکومتوں کی مشاورت سے کیا جائے گا اور وفاقی کابینہ سے منظوری کے بعد معاملہ غور کے لیے مشترکہ مفادات کونسل کو بھیجا جائےگا۔
ذرائع کے مطابق صوبائی حکومتوں کی منظوری کی صورت میں تجویز کا اطلاق آئندہ مالی سال سے کیا جائے گا۔
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
