12 جون ، 2024 
بجٹ 2024، حکومت پینشن اخراجات میں کمی کیلئے اسکیم لے آئی
12 جون ، 2024
حکومت نے پینشن اخراجات میں کمی لانے کے لیے مالی سال 25-2024 کے بجٹ میں اسکیم متعارف کروادی۔
وفاقی وزیر خزانہ نے قومی اسمبلی میں بجٹ تقریر میں کہا کہ وفاقی حکومت پر کھربوں روپے کی ان فنڈڈ پینشن لائبلیٹی ہے اور پنشن کے اخراجات میں تیزی سے اضافہ ہو رہا ہے۔ لہذا ان اخراجات میں اضافے کی شرح کو کم کرنے کی ضرورت ہے۔
وزیر خزانہ نے کہا کہ حکومت نے اس شعبے کی اصلاح کے لیے حکمت عملی ترتیب دی ہے جس پر کافی حد تک مشاورت مکمل ہو چکی ہے۔
انہوں نے کہا کہ عالمی معیارات کے مطابق موجودہ پنشن اسکیم میں اصلاحات لائی جائیں گی جن کے نتیجے میں اگلی تین دہائیوں کی پینشن لائبلیٹی میں خاطر خواہ کمی ہوگی۔
وزیر خزانہ نے مزید کہا کہ نئے ملازمین کے لیے کونٹریبیوٹری پینشن اسکیم متعارف کروائی جائے گی جس میں حکومت کا حصہ ہر ماہ ادا کیا جائے گا۔ اس سے مستقبل کے ملازمین کی پنشن ان کی ملازمت کے آغاز سے ہی مکمل طور پر فنڈڈ ہوگی۔
وزیر خزانہ کا کہنا تھا کہ پشن کی لائبلیٹی کو مینیج کرنے کے لیے پنشن فنڈ قائم کیا جائے گا۔
مزید خبریں :
انٹربینک میں ڈالر مہنگا ہوگیا
10 گھنٹے پہلے
ملک میں سونے کی قیمت میں ایک بار پھر اضافہ ہوگیا
11 گھنٹے پہلے
روپے کی قدر میں کمی، ڈالر مہنگا ہوگیا
26 نومبر ، 2024
ملک میں سونا مزید سستا ہوگیا
26 نومبر ، 2024
انٹربینک میں ڈالر کی قیمت میں کمی، اوپن مارکیٹ میں اضافہ ہوگیا
25 نومبر ، 2024
پاکستان کی بیلاروس کو رکشے برآمدکرنےکی پیشکش
25 نومبر ، 2024
