13 جون ، 2024
وفاقی وزیر خزانہ محمد اورنگزیب نے کہا ہے کہ پی آئی اے کو بیچنے کیلئے اگست کے پہلے ہفتے میں بولیاں وصول کرلیں گے۔
انہوں نے کہا کہ اسلام آباد ائیرپورٹ کی آؤٹ سورسنگ کیلئے بھی بولیاں پندرہ جولائی تک وصول ہو جائیں گی۔
وفاقی وزیر خزانہ کا کہنا تھا کہ کراچی اور لاہور ائیر پورٹ کی آؤٹ سورسنگ کچھ ماہ بعد ہوگی۔
انہوں نے بتایا کہ روزویلٹ ہوٹل، ہاؤس بلڈنگ فنانس کارپوریشن اور فرسٹ ویمن بینک کو بھی بیچا جائے گا۔
وفاقی وزیر خزانہ محمد اورنگزیب نے بتایا کہ بجلی پیدا اور تقسیم کرنے والی 9 کمپنیاں بھی بیچ دی جائیں گی۔