اس بار بھی آئی ایم ایف کی دستاویز کو بجٹ کا نام دیا گیا ہے: حافظ نعیم الرحمان

امیر جماعت اسلامی حافظ نعیم الرحمان نےکہا ہےکہ بجٹ میں ایک بار  پھرتنخواہ دار طبقے  پر  بوجھ ڈال دیا گیا، اس بار  بھی آئی ایم ایف کی دستاویز کو  بجٹ کا نام دیا گیا ہے۔

 بجٹ سے متعلق بیان میں حافظ نعیم الرحمان کا کہنا تھا کہ پرائیوٹ کمپنیاں تنخواہیں بڑھائیں یا نہ بڑھائیں مگر انکم ٹیکس بڑھےگا، بڑے جاگیرداروں کو ٹیکس نیٹ میں کیوں نہیں لایا جاتا؟ 

حافظ نعیم الرحمان کا کہنا تھا کہ بدقسمتی سے ہر حکمران جماعت کی یہی پالیسی رہی ہے کہ مڈل کلاس کی کمر توڑو اور اشرافیہ کو بچاؤ، بجٹ میں ایک بارپھرتنخواہ دار طبقے پر بوجھ ڈال دیا گیا ہے۔

ان کا کہنا تھا کہ مہنگی بجلی ظالمانہ اور عوام دشمن معاہدوں کا نتیجہ ہے، ملازمین، مزدوروں اور محروم طبقات کے لیےکوئی خوشخبری نہیں، وزیرخزانہ کے مہنگائی میں کمی کے دعوے زمینی حقائق کے منافی ہیں۔