13 جون ، 2024 
جی7 نے روس کے منجمد اثاثوں سے یوکرین کو 50 ارب ڈالر قرض دینے کی منظوری دیدی
13 جون ، 2024
جی7 ممالک نے روس کے منجمد اثاثوں سے حاصل ہونے والے سود سے یوکرین کو 50 ارب ڈالر قرض دینے کی منظوری دے دی۔
یوکرین کو قرض دینے کا معاہدہ اٹلی میں جاری جی 7 اجلاس کے پہلے روز ہوا جس میں یوکرینی صدر وولودیمیر زیلنسکی نے بھی شرکت کی۔
غیر ملکی خبر رساں ادارے کے مطابق یوکرین کو قرض روس کے منجمد اثاثوں سے حاصل ہونے والے سود کی رقم سے دیا جائے گا، ان اثاثوں کو 2022 میں یوکرین پر روسی حملے کے بعد منجمد کردیا گیا تھا۔
یوکرینی صدر وولودیمیر زیلنسکی کا کہنا تھا کہ انہوں نے اجلاس کے موقع پر جاپان کے ساتھ 10 سالہ سیکیورٹی معاہدے پر دستخط کیے ہیں اور جاپان اس سال یوکرین کو 4.5 ارب ڈالر فراہم کرے گا۔
یوکرین کے لیے جی 7 کا منصوبہ 300 ارب ڈالر کے ضبط شدہ روسی فنڈز سے حاصل ہونے والے منافع کے ذریعے دیے جانے والے کئی سال کے قرض پر مبنی ہے۔
غیر ملکی خبر رساں ادارے کے مطابق قرض کی تکنیکی تفصیلات کو آئندہ ہفتوں میں حتمی شکل دی جائے گی۔
روس نے جی 7 ممالک کے فیصلے پر سخت تنقید کی ہے، ترجمان روسی وزارت خارجہ ماریازخارووا کا کہنا ہے کہ مغرب کا روس کے منجند اثاثوں سے حاصل ہونے والی آمدنی لینا جرم ہوگا، یورپی یونین کو اس اقدام پر روس کی جانب سے اذیت ناک ردعمل ملے گا۔
مزید خبریں :
حزب اللہ نے حسن نصراللہ کی تدفین کا اعلان کردیا
9 گھنٹے پہلے
آکسفورڈ یونیورسٹی کے نئے چانسلر کا انتخاب ہوگیا
10 گھنٹے پہلے
روس کا یوکرین پر اب تک کا سب سے بڑا ڈرون حملہ
26 نومبر ، 2024
