14 جون ، 2024 
پاکستان
بجٹ میں سرکاری ملازمین کی تنخواہیں 10 فیصد بڑھانے کی تجویز دی گئی ہے/ فائل فوٹو
سندھ کا آئندہ مالی سال کا بجٹ آج پیش کیا جائے گا
14 جون ، 2024
کراچی: سندھ کا آئندہ مالی سال کا بجٹ آج شام پیش کیا جائے گا۔
بجٹ میں سرکاری ملازمین کی تنخواہیں 10 فیصد بڑھانے کی تجویز دی گئی ہے اور ترقیاتی بجٹ کے لیے ریکارڈ 830 ارب روپے مختص کیے جائیں گے۔
اس کے علاوہ تعلیم کے لیے 400 ارب روپے اور صحت کے لیے 275 ارب روپے رکھے جائیں گے۔
ادھر 5 ہزارنئی اسامیاں پیدا کی جائیں گی جن میں سے 3 ہزار اسامیاں محکمہ ایجوکیشن کی ہوں گی جب کہ امن و امان کی بحالی کے لیے 170 ارب روپے مختص کیے جانے کی تجویز دی گئی ہے۔
