14 جون ، 2024 
پاکستان
فوٹو: اسلام آباد پولیس
اسلام آباد: مشتعل افراد کے حملے میں ایس پی سٹی خانزیب اور کانسٹبیل زخمی
14 جون ، 2024
اسلام آباد: سیکٹر ایف 10 میں انٹرنیشنل فاسٹ فوڈ چین پر مشتعل افراد کےحملے میں ایس پی سٹی خان زیب اور ایک کانسٹبیل زخمی ہوئے ہوگئے۔
اسلام آباد پولیس کے مطابق مشتعل افراد نے انٹرنیشنل فاسٹ فوڈ چین کوبند کرنےکی کوشش کی اور فاسٹ فوڈ چین میں موجود خواتین کوہراساں کیا۔
پولیس کے مطابق شہریوں کے 15 پر کال کرنے کے ردعمل میں ایس پی سٹی خان زیب موقع پر پہنچے۔
پولیس کے مطابق شر پسند عناصر کے حملے میں ایس پی سٹی زون خان زیب زخمی ہوگئے، شرپسندوں نے ایک پولیس اہلکار کو بھی یرغمال بنانے کی کوشش کی۔
پولیس کے مطابق ایس پی سٹی اور زخمی کانسٹیبل کو پمز اسپتال منتقل کیا گیا جبکہ حملہ کرنے والے بعض افراد کو گرفتار کرلیا گیا ہے۔
