سعودیہ، امارات اور دیگر خلیجی ریاستوں میں عید الاضحیٰ آج منائی جا رہی ہے

سعودی عرب، متحدہ عرب امارات اور دیگر خلیجی ریاستوں میں عید الاضحیٰ آج منائی جا رہی ہے۔

 مسجد الحرام مکہ مکرمہ اور  مسجد نبویﷺ مدینہ منورہ میں نماز عید کے بڑے اجتماعات کا اہتمام کیا گیا جس میں لاکھوں کی  تعداد  میں عوام نے نماز عید ادا کی اور مسلم امہ کی خوشحالی کے لیے  دعائیں کیں۔

نماز عید کی ادائیگی کے بعد مسلمان سنت ابراہیمی کو  زندہ کرتے ہوئے جانوروں کا ذبیحہ کریں  گے۔

 امریکا، برطانیہ، یورپ اور کینیڈا میں مسلم کمیونٹی کے بعض افراد اتوار دیگر پیر کو پاکستان کے ساتھ عید منائیں گے۔