17 جون ، 2024 
جرائم
فوٹو: فائل
حافظ آباد: 13 مسلح ملزمان کی ایک شخص پر فائرنگ، لاش پر گولیاں برساکرویڈیو بناتے رہے
17 جون ، 2024
حافظ آباد کے علاقے چاہ چورہ میں 13 مسلح ملزمان نے دیرینہ دشمنی پر اندھا دھند فائرنگ کرکے انور ملاح نامی شخص کو قتل کردیا۔
ملزمان نےعلاقے میں دہشت پھیلانے کی غرض سے مقتول کی لاش پر فائرنگ کرتے ہوئے ویڈیو بھی بنائی اور سوشل میڈیا پر وائرل کردی۔
تھانا جلالپور بھٹیاں کی پولیس نے مقتول کی بیوی کی مدعیت میں 13 ملزمان کے خلاف مقدمہ درج کرلیا۔
پولیس کا کہنا ہے کہ انور ملاح کی امیر ملاح گروپ سے دشمنی چلی آرہی تھی جس پر اس کے مخالفین نے اس پر اس وقت دھاوا بول کر فائرنگ کی جب وہ دریا کے کنارے بیلے میں کام کررہا تھا۔
پولیس کے مطابق فائرنگ کے بعد ملزمان فرار ہوگئے، تاحال کسی ملزم کی گرفتاری عمل میں نہیں آسکی تاہم ملزمان کی گرفتاری کیلئے چھاپے مارے جارہے ہیں۔
مزید خبریں :
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
