18 جون ، 2024
ضلع مٹیاری کے شہر نیو سعیدآباد میں عید کی خوشیاں غم میں تبدیل ہوگئی چھٹی پر آنے والے سی ایس ایس افسر کو چچا سمیت قتل کر دیا گیا۔
پولیس کے مطابق کاکا برادری کے دو گروپوں میں تلخ کلامی پر جھگڑا ہوا جس پر ایک گروپ کے افراد نے فائرنگ کرکے دوسرے گروپ کے دو افراد کو قتل کر دیا، فائرنگ میں انشورنس ڈپارٹمنٹ کا اسسٹنٹ مینجمنٹ ایگزیکٹو سچےڈنو کاکا اور ان کے چچا کو قتل کر دیا گیا۔
مقتول کے والد نے الزام عائد کیا کہ نظام الدین کاکا نے اس کے بھائی اور بیٹے کو قتل کروایا ہے۔
پولیس نے قاتلوں کی گرفتاری کے لیے چھاپہ مار کارروائیاں شروع کر دیں تاہم ابھی تک کوئی گرفتاری عمل میں نہیں آئی۔