19 جون ، 2024
فیصل آباد میں مشروب ساز کمپنی کے ٹرک کو پیش آنے والے حادثے کے بعد خواتین اور بچوں سمیت عوام کی بڑی تعداد بوتلیں لوٹ کر لے گئی جس کی ویڈیو بھی سوشل میڈیا پر تیزی سے وائرل ہو رہی ہے۔
فیصل آباد میں چک نمبر 203 رب چھوٹا مانوالا کےقریب مشروب سازکمپنی کے ڈلیوری ٹرک کو حادثہ پیش آیا، خوف کے باعث ڈرائیور بوتلوں سے بھرا ٹرک چھوڑ کر فرار ہو گیا۔
ڈرائیور کے فرار ہونے کے بعد علاقہ مکینوں نے آؤ دیکھا نا تاؤ، خواتین اور بچوں سمیت عوام کی بڑی تعداد بوتلوں سے بھرے ٹرک کے پاس پہنچ گئی اور جس کے ہاتھ جتنی بوتلیں لگیں وہ لوٹ کر فرار ہوتا گیا۔
حادثے کا شکار ہونے والے ٹرک کے قریب کھڑے ایک شخص نے عوام کے بوتلیں لوٹنے کے مناظر اپنے موبائل میں عکسبند کر لیے، ویڈیو سوشل میڈیا پر بھی بہت تیزی سے وائرل ہو رہی ہے۔