19 جون ، 2024
راجن پور میں مقابلے کے دوران ڈاکوؤں کی فائرنگ سے پولیس اہلکار شہید ہوگیا۔
پولیس ذرائع کے مطابق راجن پور کے علاقے جام پورمیں پولیس ٹیم ایک گھر پر اشتہاری ڈاکوؤں کی موجودگی کی اطلاع پر پہنچی تو ڈاکوؤں نے پولیس پر فائرنگ کردی۔
فائرنگ سے ایک کانسٹیبل تنویر عباس موقع پر شہید ہوگیا اور ایک زخمی ہوا جسے اسپتال منتقل کردیا گیا۔
پولیس کی مزید نفری پہنچنے سے پہلے ڈاکو فرار ہوگئے تاہم ڈاکوؤں کی تلاش کے لیے آپریشن جاری ہے۔
انسپکٹر جنرل (آئی جی) پنجاب ڈاکٹر عثمان انور نے شہید کانسٹیبل کے اہل خانہ کی مدد کا اعلان کیا اور زخمی پولیس اہلکار کوبہترین علاج معالجے کی فراہمی کی ہدایت کی۔