کراچی: فیڈرل بی ایریا میں ڈکیتی مزاحمت پر کارپرفائرنگ کی ویڈیو سامنے آگئی

کراچی کے علاقے فیڈرل بی ایریا بلاک 10 میں ڈکیتی مزاحمت پر گاڑی پرفائرنگ کی ویڈیو سامنے آگئی۔

ویڈیو میں دیکھا جاسکتا ہے کہ موٹرسائیکل سوار ملزمان کی جانب سے گاڑی کو روکنے پر کار سوار نے گاڑی ملزمان پرچڑھا دی۔ 

گاڑی کی ٹکر سے ملزمان موٹر سائیکل سےگرے اور اٹھ کر گاڑی پر فائرنگ کردی جس سے کار سوار دو افراد زخمی ہوگئے۔

فائرنگ کے بعد ملزمان نے گاڑی سے رقم کا تھیلا نکالا اور پیدل ہی فرار ہوگئے۔

پولیس کے مطابق دونوں زخمی افراد پیٹرول پمپ کےکیشیئر ہیں جو رقم جمع کروانے بینک جارہے تھے۔