21 جون ، 2024 
ہرنائی میں پکنک منانے آئے 14 افراد اغوا، 4 مغویوں کو چھوڑدیا گیا، 10 افراد تاحال لاپتہ
21 جون ، 2024
ہرنائی کے علاقے شعبان میں اغوا کاروں نے پکنک منانے کیلئے جانے والے 14 افراد کو اغوا کرلیا بعد ازاں چار مغویوں کو چھوڑ دیا گیا تاہم 10 افراد تاحال لاپتہ ہیں۔
لیویز ذرائع کے مطابق کوئٹہ سے 35 کلومیٹر کے فاصلے پر ضلع ہرنائی کے پہاڑی علاقے شعبان میں نامعلوم مسلح افراد نے جمعرات کی صبح سیر و تفریح کیلئے جانے والے 14 افراد کو اغوا کرلیا تھا۔
لیویز ذرائع کے مطابق اغوا کاروں نے بعد میں 4 مغویوں کو چھوڑدیا تھا تاہم 10 افراد تاحال لاپتہ ہیں۔
ضلعی انتظامیہ کے مطابق 10 افراد کے اغوا کی اطلاعات ملنے کے بعد لیویز فورس اور انتظامی حکام موقع پر پہنچ گئے اور معاملے کی تحقیقات شروع کردیں۔
ڈائریکٹر جنرل لیویز نصیب اللہ کاکڑ کا کہنا تھا کہ نواحی علاقے شعبان سے 10 افراد کے اغوا کے معاملے کی تحقیقات کی جا رہی ہیں، ابھی تک کسی شخص نے اپنے رشتہ داروں کے اغوا کی رپورٹ درج نہیں کرائی۔
مزید خبریں :
لاہور:گھریلو ملازمہ 20 لاکھ روپے اور 20 تولے سونا لے کر فرار
23 دسمبر ، 2024
ناراض بیوی نے شوہر کی بھینسوں اور گائے کو زہردیدیا
23 دسمبر ، 2024
