22 جون ، 2024 
پاکستان
سردار اسراراللہ گنڈاپورکو2013 میں دہشتگردی کا نشانہ بنایا گیا تھا— فوٹو:فائل
اسراراللہ گنڈاپور خودکش حملہ: علی امین گنڈاپور اور انکے بھائی کیس سے بری
22 جون ، 2024
انسداد دہشتگردی کی عدالت ڈیرہ اسماعیل خان نے وزیراعلیٰ خیبرپختونخوا علی امین گنڈا پور اور ان کے بھائی و سٹی میئر عمر امین گنڈا پور کو دہشتگردی کیس سے بری کردیا۔
انسداد دہشتگردی عدالت کے جج سہیل شیراز ثانی نے سابق صوبائی وزیر اسراراللہ گنڈاپور پرخودکش حملہ کیس کا فیصلہ سنایا۔
عدالت نے علی امین گنڈا پور اور ان کے بھائی و سٹی میئر عمر امین گنڈا پور کو دہشتگردی کیس سے بری کردیا جبکہ عدالت نے کیس میں نامزد دیگر تین افراد کو بھی باعزت بری کرنے کا حکم دیا۔
خیال رہے کہ سردار اسراراللہ گنڈاپورکو2013 میں دہشتگردی کا نشانہ بنایا گیا تھا۔
