25 جون ، 2024 
دنیا کے بدصورت کتے کا تاج ’وائلڈ تھانگ‘ کے سر پر سج گیا
25 جون ، 2024
دنیا کے بدصورت ترین کتے کا تاج ’وائلڈ تھانگ‘ کے سر پر سج گیا۔
غیر ملکی میڈیا کے مطابق امریکی ریاست کیلیفورنیا میں دنیا کے بدصورت ترین کتے کا مقابلہ ہوا، اس مقابلے کا انعقاد پچھلے 20 سالوں سے کیا جارہا ہے جس میں بدصورت کتے حصہ لیتے ہیں۔
رواں سال ہونے والے مقابلے میں 8 سالہ کتے ’وائلڈ تھانگ‘ کو دنیا کا بدصورت ترین کتا ہونے کا اعزاز دیا گیا اور کتے نے 5 ہزار ڈالر کا انعام بھی حاصل کیا۔
اس کے علاوہ مقابلے میں 14 سالہ روم دوسرے اور تیسرے نمبر پر 14 سالہ ڈیزی مے رہا، جنہیں 3 ہزار ڈالر اور 2 ہزار ڈالر دیے گئے۔
اس سال بدصورت ترین کتے کا مقابلہ جیتنے والا ‘وائلڈ تھانگ’ اس سے قبل بھی 5 بار مقابلے میں حصہ لے چکا ہے۔
وائلڈ تھانگ’ وائرل بیماری کینائن ڈسٹمپر کا شکار رہا ہے جس کی وجہ سے اس کے دانتوں کی نشوونما نہیں ہوتی اور اس کی زبان لٹک کر باہر آجاتی ہے جب کہ یہ بہت سے جسمانی مسائل سے بھی دوچار ہے۔
واضح رہے کہ گزشتہ سال یہ مقابلہ اسکوٹر نامی کتے نے جیتا تھا اور 2022 میں 'ہیپی فیس نامی' کتا اس مقابلے کا کامیاب امید وار رہا۔
مزید خبریں :
موسمیاتی تبدیلیوں کے ایک حیران کن اثر کا انکشاف
11 گھنٹے پہلے
گھر کے منجھلے بچوں کی ایک بڑی خوبی سامنے آگئی
24 دسمبر ، 2024
وہ اے آئی آرٹسٹ جو اپنی تصاویر سے لاکھوں ڈالرز کما رہا ہے
23 دسمبر ، 2024
