26 جون ، 2024
وفاقی وزیراطلاعات عطا اللہ تارڑاور قومی اسمبلی میں پی ٹی آئی کے چیف وہپ عامرڈوگر نے سیاسی جماعتوں میں میثاق معیشت پراتفاق کرلیا ہے۔
جیو نیوز کے پروگرام کیپیٹل ٹاک میں گفتگو کرتے ہوئے دونوں رہنماؤں نے اتفاق کیا کہ میثاق معیشت ہونا چاہیے۔
پروگرام میں گفتگو کے دوران پی ٹی آئی رہنما عامر ڈوگر نے کہا کہ میں میثاق معیشت کی تائید کرتا ہوں حکومت میثاق معیشت کیلئے آگے بڑھے۔
کیپیٹل ٹاک میں گفتگو کرتے ہوئے دونوں رہنماؤں نے جسٹس جاوید اقبال کو لاپتا افراد کے کمیشن کی سربراہی سے ہٹانے پر بھی اتفاق کیا۔
وفاقی وزیراطلاعات عطا اللہ تارڑ نے کہا کہ وہ جسٹس جاوید اقبال کو لاپتا افراد کے کمیشن کی سربراہی سے ہٹانے کیلئے وزیر قانون سے بھی بات کریں گے۔