29 جون ، 2024 
دنیا
بھارتی فوج کے اہلکار مشرقی لداخ میں لائن آف ایکچوئل پر معمول کی مشقیں کررہے تھے، دریا عبور کرتے وقت سیلابی ریلا انہیں بہا لے گیا: بھارتی میڈیا/ فوٹو بشکریہ بھارتی میڈیا
بھارتی فوج کے 5 اہلکار مشقوں کے دوران سیلابی ریلے میں بہہ کر ہلاک
29 جون ، 2024
بھارتی فوج کے 5 اہلکار سیلابی ریلے میں بہہ کر ہلاک ہوگئے۔
بھارتی میڈیا کے مطابق بھارتی فوج کے اہلکار مشرقی لداخ میں لائن آف ایکچوئل پر معمول کی مشقیں کررہے تھے کہ اس دوران فوجی اہلکار ٹینکوں پر سوار ہوکر دریا عبور کرنے لگے تو دریا میں اچانک بڑا سیلابی ریلا آگیا۔
بھارتی میڈیا کا بتانا ہےکہ یہ واقعہ دولت بیگ اولڈی کے علاقے میں پیش آیا، دریا عبور کرتے ہوئے اچانک پانی کی سطح میں اضافہ ہوگیا جس سے ٹینکوں کا توازن بگڑ گیا اور 5 فوجی اہلکار سیلابی ریلے میں بہہ گئے۔
بھارتی میڈیا کے مطابق سیلابی ریلے میں بہہ کر مرنے والوں میں 4 اہلکار ایک جونیئر کمیشنڈ آفیسر شامل ہے جن کی لاشیں پانی سے نکال لی گئی ہیں۔
