03 جولائی ، 2024 
کھیل
ٹیم اسنوکر چیمپئن شپ میں پاکستان کی ٹیم اسجد اقبال اور اویس منیر پر مشتمل ہے/ فائل فوٹو
ایشین ٹیم اسنوکر چیمپئن شپ: پاکستان نے دوسرا میچ جیت کر ناک آؤٹ راؤنڈ میں جگہ بنا لی
03 جولائی ، 2024
پاکستان نے ایشین ٹیم اسنوکر چیمپئن شپ کے دوسرے میچ میں بھی کامیابی حاصل کرکے ناک آؤٹ راؤنڈ میں جگہ بنا لی۔
سعودی عرب کے دار الحکومت ریاض میں ہونے والے ٹیم ایونٹ میں پاکستان نے شاندار آغاز کیا۔
ایشین ٹیم اسنوکر چیمپئن شپ کے پہلے میچ میں پاکستان نے سعودی عرب 2 کو شکست دی۔
ٹیم اسنوکر چیمپئن شپ میں پاکستان کی ٹیم اسجد اقبال اور اویس منیر پر مشتمل ہے جنہوں نے سعود عرب 2 کیخلاف پہلے میچ میں 3 ۔ 0 سے کامیابی حاصل کی۔
بعد ازاں گروپ کے دوسرے میچ میں پاکستان نے میانمار کو بھی 3 ۔ 0سے ہرایا اور ایونٹ کے ناک آوٹ راؤنڈ میں جگہ بنا لی۔
واضح رہے کہ ایشین ٹیم اسنوکر چیمپئن شپ میں سعودی عرب کی 3 ٹیموں سمیت 18 ٹیمیں شریک ہیں۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
