04 جولائی ، 2024 
سنی اتحاد کونسل کےارکان نے پنجاب اسمبلی کے گیٹ پر ہی اپنی اسمبلی لگا لی
04 جولائی ، 2024
پنجاب اسمبلی میں سنی اتحاد کونسل کے ارکان نے علامتی احتجاجی اجلاس منعقد کرنے کیلئے ایوان کے گیٹ پر ہی اپنی اسمبلی لگا لی۔
پنجاب اسمبلی ایوان کی سیڑھیوں پرعلامتی احتجاجی اجلاس کے دوران شرکا نے اسپیکر کی طرف سے معطل کیے گئے اپوزیشن ارکان کی بحالی کا مطالبہ کیا۔
اجلاس میں علامتی اسپیکر اعجاز شفیع نے فارم 45 کے مطابق جیت کے دعویدار ارکان اور مخصوص نشستوں پر کامیابی کی دعویدار خواتین سے حلف لیا۔
پنجاب اسمبلی میں اپوزیشن کےعلامتی احتجاجی اجلاس نےبانی پی ٹی آئی کی رہائی کی قرار داد بھی منظور کی۔
اپوزیشن لیڈر پنجاب اسمبلی ملک احمد خان بھچر نے کہا کہ جعلی وزیراعلیٰ اور جعلی حکومت فارم 47 کے ذریعے آئی ہے، حکومت 100 ارکان کا سامنا نہیں کر سکتی تو 12 کروڑ عوام کا کیسے کرے گی۔
