07 جولائی ، 2024 
پاکستان
کراچی میں آج گرمی کی شدت میں اضافے کا امکان ہے، شہر میں آج شام یا رات کے اوقات میں بوندا باندی کا امکان ہے: موسمیاتی تجزیہ کار__فوٹو: فائل
کراچی میں بارشیں کب سے ہونگی اور آئندہ 24 گھنٹوں کے دوران شہر کا موسم کیسا رہیگا؟
07 جولائی ، 2024
کراچی میں آئندہ 24 گھنٹوں کے دوران موسم گرم اور مرطوب رہنےکا امکان ہے۔
موسمیاتی تجزیہ کار کے مطابق کراچی میں آج گرمی کی شدت میں اضافے کا امکان ہے جبکہ شہر میں آج شام یا رات کے اوقات میں بوندا باندی بھی ہو سکتی ہے۔
تجزیہ کار کا بتانا ہے کہ شہرِ قائد کے شمال مشرقی اطراف میں آج تھنڈر سیل کی تشکیل ممکن ہے، اس وقت شہر میں مغربی سمت سے17کلو میٹر فی گھنٹہ کی رفتار سے ہوائیں چل رہی ہیں۔
آج زیادہ سے زیادہ درجہ حرارت 37 ڈگری سینٹی گریڈ تک جانے کا امکان ہے جب کہ ہوا میں نمی کا تناسب 74 فیصد ہے۔
موسمیاتی تجزیہ کار کا بتانا ہے کہ کراچی میں مون سون کی ابتدائی بارشیں 8 سے 10 جولائی کو ہوسکتی ہیں۔
