12 جولائی ، 2024 
دنیا
فوٹو: اے ایف پی
جمہوریہ چیک: جانوروں کو شدید گرمی سے بچانے کیلئے چڑیا گھر میں برف کے ڈھیر لگا دیے گئے
12 جولائی ، 2024
یورپی ملکی جمہوریہ چیک ان دنوں شدید گرمی کی لپیٹ میں ہے، عوام کے ساتھ جانور بھی ہیٹ ویو سے پریشان ہیں۔
فرانسیسی خبر رساں ایجنسی کے مطابق جمہوریہ چیک کو گزشتہ کئی دنوں سے گرمی کی لہر کا سامنا ہے جہاں درجہ حرارت 35 ڈگری سینٹی گریڈ تک پہنچ گیا ہے۔
انسان تو گھروں اور دفاتر میں ائیر کنڈیشنز کے نیچے بیٹھ کر گرمی سے بچ رہے ہیں لیکن دوسری جانب جانوروں کو اس گرمی میں شدید مشکلات کا سامنا ہے۔
تاہم جمہوریہ چیک کے دارالحکومت پراگ کے ایک چڑیا گھر کے حکام نے جانوروں کو گرمی سے بچانے کیلئے چڑیا گھر میں 10 ٹن برف کے مختلف ڈھیر لگا دیے۔
برفانی ریچھ، ہاتھی، طوطے اور دیگر جانور برف پر لوٹ پوٹ ہوکر گرمی کو دور بھگا رہے ہیں۔
