12 جولائی ، 2024 
بھارتی ریاست بہار میں آسمانی بجلی گرنے سے 5 افراد ہلاک، 18 طالب علم زخمی
12 جولائی ، 2024
بھارت میں آسمانی بجلی گرنے سے 5 افراد ہلاک اور 18 طالب علم زخمی ہوگئے۔
بھارتی میڈیا کے مطابق آسمانی بجلی گرنے کا واقعہ ریاست بہار کے مختلف اضلاع میں پیش آیا۔
میڈیا رپورٹس میں بتایا گیا ہے کہ بجلی گرنے کا پہلا واقعہ مدھوبنی ضلع کے بتھنہ گاؤں میں پیش آیا جہاں کھیتوں میں کام کرنے والے کسانوں پر آسمانی بجلی گری جس سے دو کسان موقع پر ہلاک ہوگئے اور تیسرے کو تشویشناک حالت میں اسپتال منتقل کیا گیا جہاں وہ دم توڑ گیا۔
میڈیا رپورٹس کے مطابق دوسرا واقعہ ڈومریا گاؤں میں پیش آیا جہاں 2 خواتین آسمانی بجلی گرنے سے ہلاک ہوگئیں جب کہ بھوج پور ضلع میں اسکول پر آسمانی بجلی گرنے سے 18 طالب علم زخمی ہوگئے۔
ریاست کے وزیراعلیٰ نتیش کمار نے واقعے پر افسوس کا اظہار کرتے ہوئے مرنے والوں کے لواحقین کے لیے 4 لاکھ روپے امداد کا اعلان کیا۔
مزید خبریں :
بھارتی فضائیہ کا جنگی طیارہ دوران پرواز گرکر تباہ
04 نومبر ، 2024
امریکا، پاکستان اور بھارت، کس ملک کے صدر کی تنخواہ کتنی ہے؟
04 نومبر ، 2024
