14 جولائی ، 2024 
ورلڈ جونیئر اسکواش، پاکستان کے 2 کھلاڑیوں نے پری کوارٹر فائنل میں جگہ بنالی
14 جولائی ، 2024
امریکا میں جاری ورلڈ جونیئر اسکواش مقابلوں میں پاکستان کے دو کھلاڑیوں نے پری کوارٹر فائنل میں جگہ بنا لی۔
ہیوسٹن میں جاری ایونٹ میں حمزہ خان اور عبداللہ نواز نے راؤنڈ آف 16 کیلئے کوالیفائی کر لیا۔
حذیفہ ابراہیم کو راؤنڈ آف 32 میں شکست کا سامنا کرنا پڑا، حذیفہ ابراہیم کو ملائشیا کے حارتھُد دانیال نے تین ایک سے شکست دی، ملائشین کھلاڑی نے میچ میں 9-11، 5-11، 11-9 اور 5-11 سے کامیابی حاصل کی۔
سیکنڈ سیڈ حمزہ خان نے راؤنڈ آف 32 میں مصر کے یوسف مبارک کو ہرایا۔ حمزہ خان نے اپنا میچ باآسانی 28 منٹ میں تین صفر سے جیتا، حمزہ کی جیت کا اسکور 6-11، 8-11 اور 4-11 رہا۔
پاکستان کے عبداللہ نواز اور کینیڈا کے واسع مقصود کے درمیان سنسنی خیز مقابلہ ہوا، عبداللہ نواز نے دو ایک کے خسارے سے کم بیک کرکے تین دو سے کامیابی حاصل کی، عبداللہ نواز کی جیت کا اسکور 12-10، 9-11، 11-6، 8-11 اور 5-11 رہا۔
عبداللہ نواز پری کوارٹر فائنل میں مصر کے عمر اعظم سے مقابلہ کریں گے۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
