15 جولائی ، 2024 
پاکستان
ایم کیوایم آج کی صورتحال کی ذمہ دارتحریک انصاف کوسمجھتی ہے، ترجمان— فوٹو:فائل
پی ٹی آئی کی ملک مخالف پالیسیاں اور غیرجمہوری رویہ صورتحال کاذمہ دارہے: ایم کیو ایم
15 جولائی ، 2024
متحدہ قومی موومنٹ ( ایم کیو ایم) پاکستان نے کہا ہے کہ آج کی صورتحال کی ذمہ دار تحریک انصاف کو سمجھتے ہیں۔
ایم کیو ایم نے ملک کی سیاسی صورتحال پر گہری تشویش کا اظہار کیا اور کہا کہ ایم کیوایم آج کی صورتحال کی ذمہ دارتحریک انصاف کوسمجھتی ہے۔
ترجمان کے مطابق تحریک انصاف کی ملک مخالف پالیسیاں، غیرجمہوری اور سخت رویہ صورتحال کا ذمہ دار ہے۔
خیال رہے کہ وفاقی حکومت نے تحریک انصاف پر پابندی لگانے کا فیصلہ کر لیا۔
وفاقی وزیر اطلاعات عطا تارڑ نے اعلان کیا کہ سابق صدر عارف علوی، بانی پی ٹی آئی اور سابق ڈپٹی اسپیکر قاسم سوری کے خلاف آرٹیکل 6 کا کیس چلایا جائے، ان تینوں اشخاص کے خلاف وفاقی کابینہ سے منظوری کے بعد یہ ریفرنس سپریم کورٹ کو بھجوایا جائے گا۔
