19 جولائی ، 2024 
وفاقی کابینہ نے بجلی چوروں اور نادہندگان سے وصولی پر انعامی رقم مزید بڑھادی
19 جولائی ، 2024
وفاقی کابینہ نے بجلی چوروں اور نادہندگان سے وصولی پر انعامی رقم مزید بڑھا دی۔
ذرائع کے مطابق وفاقی کابینہ نے سمری سرکولیشن سے کابینہ کمیٹی برائے توانائی کے فیصلوں کی توثیق کردی۔
ذرائع کے مطابق نادہندگان سے وصولی پر انعامی رقم 5 سے بڑھا کر 30 فیصد کردی گئی ہے جو ڈسکوز عملے، سول انتظامیہ، پولیس اور قانون نافذ کرنے والے اداروں کو ملے گی۔
ذرائع کا بتانا ہے کہ پاور ڈویژن نے انعامی رقم کی حد 5 سے 7 فیصد تک مقرر کرنے کی سفارش کی تھی۔
ذرائع کے مطابق بجلی چوری کا سراغ لگانے پرکم ازکم وصولی کی شرح 100 کے بجائے 80 فیصد کردی گئی ہے۔
ذرائع کا بتانا ہے کہ انٹیلی جنس ایجنسی کے افسران کو ڈسکوز سپورٹ یونٹ میں شامل کرنے کی بھی توثیق کردی گئی ہے جبکہ وفاقی کابینہ نے پاور ڈویژن کو رقم کی ادائیگی کے لیے گائیڈ لائنز تیار کرنے کی ہدایت بھی کی۔
