20 جولائی ، 2024
ملک کے مختلف شہروں میں شدید گرم اور مرطوب موسم کی وجہ سے گیسٹرو کے پھیلاؤ میں اضافہ ہوگیا۔
پنجاب، سندھ اور خیبرپختونخوا میں شدید گرم اور مرطوب موسم کی وجہ سے گیسٹرو کے کیسز میں اضافہ ہو رہا ہے۔
بچوں میں پیٹ درد، بخار اور ڈائریا کی شکایات بڑھنے لگی ہیں، اسپتالوں میں روانہ کی بنیاد پر درجنوں کیسز رپورٹ ہو رہے ہیں۔
ڈاکٹروں کے مطابق گیسٹرو معدہ اور انتڑیوں کی سوزش کا مرض ہے جس کی علامات میں سردرد، بخار، پیٹ میں درد اور قے شامل ہے۔
ڈاکٹروں نے احتیاطی تدابیر اختیار کرنے اور کھانے پینے میں احتیاط کی ہدایت کی ہے۔
ڈاکٹروں کا شہریوں کو مشورہ ہے کہ پانی اُبال کر پیئیں، اس کے علاوہ باہر ٹھیلوں کی کھلی اشیا کھانے پینے سے گریز کریں۔