21 جولائی ، 2024 
بنگلا دیش اے کیخلاف خرم کی تباہ کن بولنگ اور عمیر کی شاندار سنچری، پاکستان شاہینز جیت کے قریب
21 جولائی ، 2024
فاسٹ بولر خرم شہزاد کی تباہ کن بولنگ اور عمیر بن یوسف کی سنچری کی بدولت پاکستان شاہینز بنگلا دیش اے کے خلاف جیت کے قریب پہنچ گئے۔
428 رنز کے تعاقب میں بنگلادیش اے نے دوسری اننگز میں تیسرے روز کھیل کے اختتام تک بغیر کسی نقصان کے 20 رنز بنائے۔
آسٹریلیا کے شہر ڈارون میں جاری چار روزہ میچ کے تیسرے روز بنگلا دیش اے نے اپنی پہلی اننگز 203 رنز 4کھلاڑی آؤٹ پر شروع کی لیکن خرم شہزاد کی عمدہ بولنگ کے سبب پوری ٹیم 3 رنز کا اضافہ کرکے 266 رنز بناکر آؤٹ ہوگئی۔
خرم شہزاد نے 72 رنز دے کر6 وکٹیں حاصل کیں جبکہ محمد علی نے دو کھلاڑیوں کو آؤٹ کیا۔
پاکستان شاہینز نے پہلی اننگز میں201 رنز کی برتری کے ساتھ دوسری اننگز شروع کی تو حسیب اللہ صفر اور کپتان صاحبزادہ فرحان 8 رنز بناکر آؤٹ ہوگئے جس کے بعد عمیر بن یوسف اور مبصرخان نے تیسری وکٹ کی شراکت میں 177 رنز کا اضافہ کیا۔
مبصر خان صرف پانچ رنز کی کمی سے اپنی چوتھی فرسٹ کلاس سنچری مکمل نہ کرسکے۔
ان کی 95 رنز کی اننگز میں آٹھ چوکے اور ایک چھکا شامل تھا لیکن عمیربن یوسف نے100 رنز ناٹ آؤٹ کی ذمہ دارانہ اننگز کھیلی جس میں 6 چوکے اور 2 چھکے شامل تھے۔
عمیر بن یوسف کا یہ 50 واں فرسٹ کلاس میچ ہے جس میں انہوں نے 11 ویں سنچری اسکور کی ہے۔
مزید خبریں :
پاکستان اور جنوبی افریقا کا آخری ون ڈے بارش کی نذر ہونیکا امکان
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
معروف میکسیکن ریسلر 66 برس کی عمر میں چل بسے
22 دسمبر ، 2024
