23 جولائی ، 2024 
جرائم
نجی کمپنی کے سیلز ایگزیکٹو ذیشان کو لڑکی کے ماموں نے بہلا پھسلا کر گجرات بلایا او ر اغوا کرلیا: پولیس/ فائل فوٹو
شادی کے جھانسے میں لاہور سے گجرات پہنچنے والا نوجوان اغوا
23 جولائی ، 2024
شادی کے جھانسے میں لاہور سے گجرات پہنچنے والے نوجوان کو اغوا کرلیا گیا۔
پولیس کےمطابق نجی کمپنی کے سیلز ایگزیکٹو ذیشان کو لڑکی کے ماموں نے بہلا پھسلا کر گجرات بلایا اور اغوا کرلیا۔
پولیس نے بتایا کہ یہ تاثر دینے کیلئے مغوی لاہور میں ہے اس کے 2 موبائل فونز اورگولی کا خول لوئر مال پر پھینک دیے گئے۔
پولیس کے مطابق مغوی کی سوشل میڈیا پر خاتون سے دوستی ہوئی تھی، مغوی لڑکی کے ماموں کی کال پر گجرات گیا تھا۔
پولیس کا کہنا ہے کہ اغوا کے شبے میں 2 افراد کو حراست میں لے لیا گیا ہے جب کہ مقدمہ درج کرکے سی سی ٹی وی فوٹیجز کی مدد سے مغوی کی تلاش جاری ہے۔
